Ser voluntari@

Acompáñanos no noso camiño para seguir escribindo, a nosa historia e o noso traballo colectivo; queremos construír unha sociedade onde todos teñan cabida.

A túa pegada quedará impresa na historia de APAMP.

¿Por qué ser voluntari@ en APAMP? Un dos nosos voluntarios favoritos, expón as súas razóns! Anímaste?

Un día en APAMP. Acompáñanos a coñecer os nosos centros e os talleres artesanais. Podes pasalo día con nós e participar activamente nas nosas actividades.

Faladoiros. Colabora realizando unha charla/taller a través da que nos darás a coñecer o teu traballo e como é o que desenvolven os perfís profesionais que conforman a túa entidade (responsable de comunicación, deseño gráfico, community manager…).

Club Deportivo TAMIAR APAMP. Club deportivo da entidade no que se practican dous deportes: boccia e slalom. Ofrecémosche a posibilidade de realizar unha liguiña entre centros, que che permitirá coñecer estes dous deportes ademais de ser voluntario en adestramentos e competicións deportivas

Actividades de ocio. Podendo acompañarnos nas diferentes actividades e saídas de lecer que se desenvolven na entidade. Un día de praia, visitas ao museo, saídas nocturnas, etc.

Campamento Centro de Atención Infantil e Xuvenil. Durante todo o mes de xullo, de luns a venres, o noso centro centro de atención infantil e xuvenil realiza un campamento de verán. Ofrecémosche a posibilidade de realizar actividades culturais e de lecer cos máis pequenos. As actividades antes mencionadas realízanse de luns a venres de 10 a 17 horas.

Viaxes. O longo do ano, realizamos diversas viaxes por Galicia e por outros puntos de España. Acompáñanos  para gozar e compartir grandes momentos e experiencias.