O consello consultivo é o órgano encargado de asesorar e apoiar á Xunta Directiva da entidade na visión da organización. A súa creación foi aprobada na asemblea familiar de novembro de 2017 e o seu obxectivo é dar resposta a unha demanda de homes e mulleres da APAMP interesados en ter unha participación activa na asociación, concretamente dentro da Xunta Directiva da entidade.
O consello asesor está formado por 5 persoas, con parálise cerebral ou similar, de centros de día e residenciais que propoñen e realizan estudos e informes sobre as necesidades da entidade para trasladarlles posteriormente ao consello de administración, colaborando así no fortalecemento da entidade. Desde a súa creación participou na elaboración do protocolo de acollida de novos traballadores ou no plan de actuación anual da entidade.
GL 
ES